ქართული საფიხვნო ქართული საფიხვნო

 
 GalleryGallery კითხვა-პასუხიკითხვა-პასუხი   ძიებაძიება   წევრთა სიაწევრთა სია   ჯგუფებიჯგუფები   რეგისტრაციარეგისტრაცია 
 პროფილიპროფილი   სისტემაში შესვლა პირადი შეტყობინების სანახავადსისტემაში შესვლა პირადი შეტყობინების სანახავად   შესვლაშესვლა 

საუბარი მარკ ფლორისთან - ოფენ სორსი
გადასვლა გვერდზე 1, 2, 3  შემდეგი
 
ახალი თემის დაწყება   პასუხი თემაზე    ქართული საფიხვნო -> პროგრამირება
წინა თემის ნახვა :: შემდეგი თემის ნახვა  
ავტორი შეტყობინება
Black Monk



გაწევრიანდა: 22 ივლ 2002
წერილი: 6726
ადგილმდ.: /dev/null

წერილიგამოგზავნილია: პარ იან 16, 2004 12:52    წერილის სათაური: საუბარი მარკ ფლორისთან - ოფენ სორსი პასუხი ციტირებით

გუშინ შედგა ჩვენი 2საათიანი ვიდეოკონფერენცია Marc Fleuryსთან, JBossის CEOსთან.

მარკმა ახსენა ოფენ-სორსის ბიზნეს მოდელებიც, რაც შეიძლება საფიხვნოელთათვისაც საინტერესო იყოს.

მარკის კლასიფიკაციით დღეს-დღეობით ცნობილია 5 ოფენ-სორსული ბიზნეს მოდელი. მოდელები იყოფა ორ კატეგორიად:
1) ნაკლებ მომგებიანი (revenueს თვალსაზრისით).
2) მომგებიანი

პირველი ორი მოდელი არის მეტწილად არამომგებიანი და ეფუძნება ე.წ. არა-copyleft ღიაკოდურ ლიცენზიებს, შემუშავებულს Open Source Foundationის მიერ. ესენია აკადემიური (იგივე არტისტული), BSD, Apache ლიცენზიები და მათი სახელცვლილებები, რომლებიც არანაირ შეზღუდვას არ ადებენ კოდის გამოყენებაზე. კოდი ქვეყნდება - ნებისმიერ ადამიანს შეუძლია ნებისმიერი სახით გამოიყენოს.

ბოლო სამი მოდელი არის copyleft მოდელები და ეფუძნება Free Software Foundation-ის GNU ღიაკოდურ ლიცენზიებს (GPL და LGPL). ეს ლიცენზიები კრძალავენ საწყისი კოდის ან მისი ნებისმიერი მოდიფიკაციის დახურვას. იძლევა რედისტრიბუციის და ცვლილების უფლებას, ნებისმიერი სახით მაგრამ დახურულ კოდად (ე.წ. proprietary code) ქცევა აკრძალულია. გაყიდვა შეიძლება, ცხადია, მაგრამ სორს კოდი უნდა მიყვებოდეს პროგრამას, ისევე როგორც ლიცენზია, სადაც ახსნილია რედისტრიბუცია-მოდოფიკაციის თავისუფლება.

მოკლედ, მოდელები:

მოდელი 0:
არის ქველმოქმედური მოდელი. მთავრობა და დონორული ორგანიზაციები აფინანსებენ პროექტებს აიტი ინფრასტრუქტურის განსავითარებლად. სტანდარტიზაციისთვის და სხვა საერთო-საკეთილდღეო მიზნებით. ეს არის ინვესტიცია და ხარჯების ამოღება მიზნადაც არ არის. ამის მაგალითებია მრავალი მთავრობა, მათ შორის საფრანგეთი, გერმანია, იტალია ევროპაში, სამხრეთ აფრიკა - აფრიკაში, ჩინეთი, ვიეტნამი - აზიაში, ბრაზილია, არგენტინა - სამხრეთ ამერიკაში და ა.შ.

მოდელი 1:
BSD და აკადემიურ ლიცენზიაზე დამყარებული მოდელები. გამოიყენება ბროუზერ მოძილაში, w3.org სტანდარტებთან მაქსიმალურად თავსებადი ბროუზერის შესაქმნელად. გამოიყენება საუნივერსიტეტო კვლევების შედეგი პროდუქტებისთვის. მაგალითად MIT ანუ არტისტული ლიცენზია გამოყენებულია MITში შემუშავებული რამდენიმე პროდუქტისთვის. ფინანსურად არა მომგებიანი მოდელი, რადგან ნებისმიერ მასონს შეუძლია აიღოს ინოვაცია და გამოიყენოს თავის ბურჟუაზიული მიზნებისთვის, დახურულ კოდში.

ამის მეორენაირი ვარიანტი:

აპაჩი (Apache) ლიცენზია და ამ ლიცენზიაზე დამყარებული პროდუქტები. ძირითადად ფინანსდება დიდი კომერციული ორგანიზაციების მიერ, როგორიცაა IBM, Sun, Oracle, RedHat და სხვა. ეს დიდი ორგანიზაციები შემდეგ ამ პროდუქტებს საკუთარი სისტემების ნაწილად იყენებენ. ამგვარად ფინანსურად გამართლებულია. როგორც დამოუკიდებელი პროდუქტები - ფინანსური სარგებლის მომტანი არ არის.

ფინანსურად მომგებიანი მოდელები:

მოდელი 2:
ე.წ. ლინუქსის მოდელი. ლინუქსის კერნელზე მუშაობს ოფენ-სორს ჯგუფი. ფულს აკეთებს მათგან დამოუკიდებელი ვენდორები, როგორიცაა, მაგალითად RedHat. რედჰატი არ არის ლინუქსის მფლობელი და მისი ბიზნეს მოდელი ეფუძნება მხოლოდ შეფუთვა/საპორტს (packaging and support) ასევე ბრენდს რომელიც წარმოადგენს საიმედო გარანტიას რისკ-მენეჯირებული ორგანიზაციებისთვის, რომელთაც არ სურთ გამოიყენონ პროდუქტი რომლის უკანაც არ დგას საიმედო ორგანიზაცია, "ტიპა" რედჰატ.

თავად კოდის მწარმოებელს ნაკლები მოგება აქვს. უფრო ვენდორებს აწყობთ. მოდელი ცნობილია vendor-friendly სახელით.

მოდელი 3:
MySQL მოდელი. GPL მოდელი.

კომპანია MySQL AB იყენებს GPL-ის შეზღუდვებს თავის ბიზნეს-მოდელისთვის. კერძოდ, GPLით დაცული პროგრამული პროდუქტის გამოყენება არ შეიძლება პაკეტში კომერციულ (proprietary) პროდუქტთან ერთად. ეს მოვლენა ცნობილია GPL intrusion სახელით და უქმნის პრობლემებს კოდ-დახურულ პროდუქტებს. ეს კი არ აწყობთ კომერციულ სოფტვეარ ვენდორებს.

MySQL ABს, როგორც კოპირაიტის მფლობელს (ლიცენზია და კოპირაიტი ერთი და იგივე არაა. ღია კოდით რედისტრიბუციის უფლება ყველას აქვს მაგრამ კოპირაიტი მხოლოდ კომპანია MySQL ABს ეკუთვნის) აქვს უფლება გამოიყენოს ორმაგი ლიცენზირება. ანუ, იმ კომპანიებს, რომელთაც უნდათ MySQLის დახურულ, კომერციულ პროდუქტებში გამოყენება და რედისტრიბუტირება აიძულებს შეიძინოს კომერციული ლიცენზია, რომელიც არ ადებს GPLისნაირ შეზღუდვებს. თავისთავად MySQLის კომერციული და ოფენ-სორს ვერსიები, როგორც პროდუქტი აბსოლუტურად ერთი და იგივეა.

მოდელი 4:
JBoss-ის ე.წ. Professional Open-Source მოდელი, LGPL მოდელი.

LGPL არ ადებს ისეთ შეზღუდვებს კოდს, როგორც GPL. LGPLით დაცული კოდის ინტეგრირება კომერციულ, დახურულ პროდუქტში დასაშვებია, იმ პირობით რომ თვითონ LGPL კომპონენტის სორსი რჩება ღია. შესაბამისად MySQL მოდელი აქ გამორიცხულია.

ამ მოდელში, პროდუქტის მწარმოებელი/კოპირაიტის მფლობელი და გამავრცელებელი ერთი და იგივე კომპანიაა (მაგ: JBoss).

სარგებელის მიღება ხდება საპორტის, ტრენინგების, კონსალტინგის და ქასთომ დეველოპმენტის საშუალებით.
_________________
პროფესორ თენგიზ ოფტოპიკაშვილის კურსდამთავრებულთა გილდიის წევრი
დაბრუნება დასაწყისში
მომხმარებლის პროფილი პირადი შეტყობინების გაგზავნა მომხმარებლის ვებ-გვერდის ნახვა
SYSDBA



გაწევრიანდა: 04 აპრ 2003
წერილი: 13

წერილიგამოგზავნილია: ოთხ მარ 03, 2004 18:57    წერილის სათაური: პასუხი ციტირებით

OpenSource

დძალიან პოპულარული ტერმინი გახდა ამ ბოლო დროს.
რა არის იგი.
1) ხალავაზე მიგებული, პროგრამული კოდი
2) ენტუზიაზმე აგებული პროექტი
3) აბსურდული იმდეი რომ კოდში შეცდომები გასწორდება და პროექტი განვითარდება.

OpenSource
აირის ილუზია,
1) არ შეუძლება უფასო იყოს კარგი
2) OpenSource პოტენციურად ტექნოლოგია დზევს უკან
(გამოდის ახალი აპარატურა, კომერცულს სოფტს გაცილებით დიდი სტიმული აქვს ახალის ასათვისებლად ვიდრე OpenSource ს)
3) ის რომ OpenSource პროექტები თავისთვის არსებობნენ აბსურდია.
მოგიყვანთ რამოდენიმე მაგალითს.
OpenOffice თავის დროზე IBM ჩადო 1 მილიარდი
Mozilla სულ ცოტა ხნის წინ შეაჩერა AOL მა ფინანსირება
ბოლოს თქვენი საყვარელი Linux Red Hat უკვე მარტო ფასიანია
Mandrake მოკვდა.
UnitedLinux მოკვდა.
Apache სულ მალე გაირკვევა ვინ აფინანსებს მაგ პროექტს.
...

ყვლეა OpenSource პორექტს ემუქრება სიკვდილი ფინანსირების შეწყვეტის შემთხვევაში.

OpenSource არის თავისი იდეოლოგიით დამღუპველი ტექნოლოგიისთვის
და კორპორატიული მომხმარებლებისთვის.

კომერციული სოფტის შემთხევაში კი შენი მომწოდებელი ყოველთვის მზადაა იყოს ტექნოლოგიის უმაღლეს ტალღაზე.
დაბრუნება დასაწყისში
მომხმარებლის პროფილი პირადი შეტყობინების გაგზავნა
jordano
გამგე


გაწევრიანდა: 11 ივნ 2002
წერილი: 22553
ადგილმდ.: თბილისი, საქართველო

წერილიგამოგზავნილია: ოთხ მარ 03, 2004 19:00    წერილის სათაური: პასუხი ციტირებით

masonebi.gif
_________________
Waiting for the revolution...
დაბრუნება დასაწყისში
მომხმარებლის პროფილი პირადი შეტყობინების გაგზავნა Send email მომხმარებლის ვებ-გვერდის ნახვა AIM-მისამართი Yahoo Messenger MSN Messenger
Black Monk



გაწევრიანდა: 22 ივლ 2002
წერილი: 6726
ადგილმდ.: /dev/null

წერილიგამოგზავნილია: ოთხ მარ 03, 2004 22:23    წერილის სათაური: პასუხი ციტირებით

SYSDBA, სანამ რამეს იტყვი ყურმოკრულზე ცოტა მეტი უნდა გესმოდეს ადამიანს რომ თავი უხერხულ მდგომარეობაში არ ჩაიგდო. ჯერ გაერკვიე და მერე წერე ასეთი აგრესიული ტონით. ისეთი შთაბეჭდილება რჩება თითქოს ოფენსორსელები სახლში გივარდებიან და პურს გართმევენ. რა იყო შე კაცო რას გაცხარდი jora.gif

ჯერ ეს ერთი დავიწყოთ იქიდან რომ არ გესმის მთავარი: ოფენ სორსი არის Free თავისუფლების გაგებით და არა უფასოობის. და მერე კიდევ - შენს წერილამდე უზარმაზარი განხილვაა ოფენ-სორსის 5 ძირითადი ბიზნეს მოდელის და სანამ მოღადავე ტონით რაღაცას დააბრეხვებდე - წაგეკითხა იქნებ ("ხალიავა" რა სიტყვაა საერთოდ? icon_twisted.gif ) და მერე შეიძლება კამათსაც აზრი მიეცეს, თორე ეხლა როგორც წერ - რა აზრი აქვს რამის პასუხს, აზრზე არ ხარ რას წერ. რაღაცისთვის მოგიკრავს ყური, არც დაფიქრებულხარ და იმეორებ.
_________________
პროფესორ თენგიზ ოფტოპიკაშვილის კურსდამთავრებულთა გილდიის წევრი
დაბრუნება დასაწყისში
მომხმარებლის პროფილი პირადი შეტყობინების გაგზავნა მომხმარებლის ვებ-გვერდის ნახვა
SYSDBA



გაწევრიანდა: 04 აპრ 2003
წერილი: 13

წერილიგამოგზავნილია: ხუთ მარ 04, 2004 16:23    წერილის სათაური: პასუხი ციტირებით

მე რასაც ვწერ არის საკმაოდ დასაბუთებული.
როგოც პრაქტიკულად ისევე ვებრი კომპანიიგან საკუთარ მაგალითზე.

მე საერთოდ წინაამდეგი ვარ OpenSource უფაოსების და თუნდაც
"თავისუფალი" გაგებით. სოფტი მითუმეტეს სერიუზული უნდა იყოს დახურული კოდით. ინტელექტუალ საკუთრება უნდა იყოს დაცული მაქსიმალურად. და არ უნდა შეიძლებოდეს ჩახედვა კოდში ყველა მსურველს.

რაც შეეხება ზემოთ მოყვანილ ინტერვიუს. არის მიუღებელი იდებით სავსე.
ყოველშემთხევაში ჩემთვის და ჩემნაირი უამრავი ადამიანისთვის.

რაც შეეხება ყურმოკრულს, წაიკითხე ცოტა მედი ანალიტიკური სტატიები ეკონომიკაზე, გაერკვიე და მერე ამაყე იმით რო მომხრე ხარ OpenSource
ის.

თუნდაც MS-PRESS ის სტატიები.

P.S. თუ რამე არ მოგწონს ჩემს პასუხებში, მე ყველა ჩენს ფრაზაზე პასუხს ვაგებ. და შემიძლია დეტალურად აგიხნა თუ რატო ვფიქრობ ესე.

მოდელი #0
გაუგებარი ქველმოქმედების მიზანი. დაფინასდეს სოფტის შექმენა საბოლოო უზერს არ ჯირდება SourceCode

მოდელი #1
ყველზე გასაგებია სადწავლო მინზნებისთვის SourceCode სასურველია.

მოდელი #2
RH ლინუქსი უკვე მარტო ფასიანია. განივარების პრეპექტივა დაბალი.
ერთადერთი შემოსავალი Support ზეა.

მოდელი #3
მისაღებია მხოლოდ კომერცული ვარიანტი.

მოდელი #4
გარე ფინანსირების გარეშე არსებობის საშუალება არ აქვს.
დაბრუნება დასაწყისში
მომხმარებლის პროფილი პირადი შეტყობინების გაგზავნა
soso_p



გაწევრიანდა: 12 აგვ 2003
წერილი: 143

წერილიგამოგზავნილია: ხუთ მარ 04, 2004 16:48    წერილის სათაური: პასუხი ციტირებით

ამონარიდი:
მე საერთოდ წინაამდეგი ვარ OpenSource უფაოსების და თუნდაც
"თავისუფალი" გაგებით. სოფტი მითუმეტეს სერიუზული უნდა იყოს დახურული კოდით. ინტელექტუალ საკუთრება უნდა იყოს დაცული მაქსიმალურად. და არ უნდა შეიძლებოდეს ჩახედვა კოდში ყველა მსურველს.


carmoidgine kompania, romelsac sakmaod mnsishvnelovani saidumlo monacemebis damushaveba chirdeba. akvs sami varianti softis amorchevis:

1. ikidos arsebuli dakhurilkodiani soft (romelic gmertma icis ras shpionobs)
2. ikidos an gadmokachos arsebuli gia kodi
3. tavad daceros soft

mgoni aset pirobebshi sauketeso 2 aris. mit umetes rom bevri seriozuli kompania scored am "xaliavaze" dacerili kodit mushaobs da sakmaod carmatebasac agceven
დაბრუნება დასაწყისში
მომხმარებლის პროფილი პირადი შეტყობინების გაგზავნა მომხმარებლის ვებ-გვერდის ნახვა
SYSDBA



გაწევრიანდა: 04 აპრ 2003
წერილი: 13

წერილიგამოგზავნილია: ხუთ მარ 04, 2004 17:11    წერილის სათაური: პასუხი ციტირებით

მაგისთვის არსებობს Microsft ის
Shared Code კორპორატიული მომხარებლითვი სადაც იხნება ნაწილი კოდის.
და
Govorment Program სადაც გახნილია თითმის მთლიანი კოდი.
დაბრუნება დასაწყისში
მომხმარებლის პროფილი პირადი შეტყობინების გაგზავნა
soso_p



გაწევრიანდა: 12 აგვ 2003
წერილი: 143

წერილიგამოგზავნილია: ხუთ მარ 04, 2004 17:19    წერილის სათაური: პასუხი ციტირებით

shen ise laparakob titkos microsoftis garda skhva aravin cers an ar unda cerdes komerciul softs. kvelas khom ar akvs maseti structurebi shekmnili

da maincdamainc governmental body unda iko rom tavi daculad igrzno?
დაბრუნება დასაწყისში
მომხმარებლის პროფილი პირადი შეტყობინების გაგზავნა მომხმარებლის ვებ-გვერდის ნახვა
zura



გაწევრიანდა: 17 ივლ 2002
წერილი: 684
ადგილმდ.: იხ. ავატარი

წერილიგამოგზავნილია: ხუთ მარ 04, 2004 17:23    წერილის სათაური: პასუხი ციტირებით

სისდბა, მე ვფიქრობ, შენ TCPA-ც დადებითი რამე გგონია, ეგრეა?
დაბრუნება დასაწყისში
მომხმარებლის პროფილი პირადი შეტყობინების გაგზავნა
Black Monk



გაწევრიანდა: 22 ივლ 2002
წერილი: 6726
ადგილმდ.: /dev/null

წერილიგამოგზავნილია: ხუთ მარ 04, 2004 23:35    წერილის სათაური: პასუხი ციტირებით

SYSDBA, ძალიან მოწამლული ხარ მაიკროსოფტის პროპაგანდით მაგრამ MS-PRESSის სისულელეების კითხვის გარდა ცოტა სხვა რამეც წაიკითხე და საღი ლოგიკა მოიშველე (დარწმუნებული ვარ ამ უკანასკნელის ნაკლებობა არ გაქვს თუ მოინდომე) და იქნებ აზრიც შეგეცვალოს.

მე რო მითითებ მაიკროსოფტის აბდაუბდაზე, ოფენ-სორსის ბრმა ფანატი გგონივარ? ოფენ-სორსი ჩემი სამსახურეობრივი მოვალეობის ნაწილია რადგან ოფენ-სორს პროექტის სოფტვერ არქიტექტი ვარ და სამსახურეობრივად მევალება ვიცოდე და ღრმად ვერკვეოდე ამ საკითხში. ვიცი კიდეც. ასე მარტივად არ გამოგივა შენ კამათი. თავად მოგიწევს გაცილებით მეტის წაკითხვა, არა-მაიკროსოფტ-პროპაგანდისტულის, თუ გინდა რომ ნაყოფიერად ვიკამათოთ.

იმედია იმაზე არ დამიწყებ კამათს რომ მაიკროსოფტი ღრმად დაინტერესებული მხარეა ამ დისკუსიაში და მათი პროპაგანდისტული "არგუმენტების" მოშველიება სასაცილოა, სხვა რო არაფერი იყოს.

რაც შეეხება შენს კომენტარებს:

ამონარიდი:
მოდელი #0
გაუგებარი ქველმოქმედების მიზანი. დაფინასდეს სოფტის შექმენა საბოლოო უზერს არ ჯირდება SourceCode
ძალიან მწარედ სცდები. არსებობს საკითხები რომლის განვითარების მხოლოდ თავის თავზე აღება არც ერთ ერთეულ ორგანიზაციას არ ძალუძს. ამ შემთხვევაში ხდება პროგრამისტთა საზოგადოების (community) გაერთიანება და ერთობლივი ძალებით გაცილებით უფრო ხარისხიანი შედეგის მიღება.

ის რომ ინტერნეტის ძირეული ტექნოლოგები ოფენ-სორსია არაფერს გეუბნება? იცი თუ არა შენ რომ ნეიმ სერვერების 90%ზე მეტი BINDზე მუშაობს? ბაინდი ოფენ-სორსია. ვებ-სერვერებში ლიდერი დღესაც აპაჩია. თუნდაც რაოდენობრივად ხოლო სტაბილურობა-საიმედოობაზე თუ დავიწყებთ ლაპარაკს, ვინ გაბედავს და ვინ შეადარებს საცოდავ IISს აპაჩისთან? ეს ფაქტებია, ჩემო SYSDBA, და არა პროპაგანდისტული ლოზუნგები.

რას ქვია უზერს არ ჭირდება სორს კოდი? უზერს გააჩნია! რამდენიც მე სხვა პროექტის სორსში ჩავმძრალვარ, როცა რაღაც არ, ან ისე არ, მუშაობდა როგორც მე მჭირდებოდა, გამისწორებია, მერე ავტორისთვის მიმიწერია და შემდეგ რელიზში შეუტანია შესწორებები - იმდენი სიკეთე ყველა ქართველ პროგრამისტს. ვინ გითხრა რომ "უზერი" მხოლოდ მზარეულ ქალს ჰქვია? შენ, როგორც, პროგრამისტი არ ხარ იმ მოდულის უზერი რომელიც გინდა შენს პროგრამაში გამოიყენო?

როცა კოდი არის ინფრასტრუქტურული, არანაირი სურვილი არ მაქვს კოდის ჩემს პროექტში გამოყენების თუ მის სორსის ნახვა/გადაკეთების (არა მხოლოდ ნახვა!) სრული თავისუფლება არ მაქვს, თუ დამჭირდა. რო დამჭირდეს მერე რა ვქნა? მაიკროსოფტს ვეხვეწო და ვეღრიჭინო? კი, როგორ არა - გადამყვებიან თან. ოღონდ საპორტი არ მიხსენო რა...

მაგ საპორტზე მე შენ მოგიყვან ერთ რეალურ მაგალითს: ორაკლი ხომ ძალიან მაგარი კომპანიაა? მაგარი საპორტით და ყველაფერი? მაგაზე ძლიერი კომერციული სოფტვერ კომპანია ცოტაა, გინდა არ გინდა უნდა დამეთანხმო. ხოდა მაგათ აქვთ ლოკალ ბილდერი რომელსაც აქვს უზარმაზარი ბაგი. ეგ ბაგი გამოხტა როცა ქართულ ლოკალს ვამატებდი. საპორტიც გვაქვს ნაყიდი და ყველაფერი. მივწერეთ. კიო ბაგიაო. გავასწორებთ შემდეგ რელიზშიო. ლამის ერთი წელი გავიდა მას მერე, ჯერაც არაა გასწორებული. ეგეც შენი საპორტი და კომერციული გარანტიები. ოფენ-სორსი რომ ყოფილიყო, ავიღებდი და გავასწორებდი მე თვითონ და მერე კისერიც უტეხია ორაკლს, უნდა ასწოროს უნდა ჯანდაბამდე გზა ჰქონია.

ისე, რომ იცოდე, საპორტს ოფენ-სორს პროექტებიც ყიდიან და როგორც წესი უფრო სწრაფად და ხარისხიანად გეხმარებიან ვიდრე მაიკროსოფტები, ორაკლები და სხვა მასონები მისთანანი.

ამონარიდი:
მოდელი #1
ყველზე გასაგებია სადწავლო მინზნებისთვის SourceCode სასურველია.
სწავლა მხოლოდ უნივერსიტეტში არ ხდება, SYSDBA, პროგრამისტის ცხოვრება განუწყვეტელი სწავლა და ცოდნის გაზიარებაა. რაც უფრო ეფექტურად მოხდება ცოდნის გაზიარება, მით უფრო განვითარდება მთლიანად დარგი - ეს ზოგადი პრინციპია. ცოდნის გაზიარება მხოლოდ პროგრესისკენ ამოძრავებს დარგს, ცოდნის დამალვა კი - ერთი ადგილის ტკეპნისა და რეგრესისკენ. შესაბამისად ლოგიკურად იმსჯელე - ვინაა პროგრასული, ოფენ-სორსი თუ დახურული კოდი.

ყველამ რომ თავისთვის შეინახოს თავის ცოდნა და ბორბალი 100ჯერ იყოს ახლიდან აღმოსაჩენი - მაგარი პროგრესული სამყარო გვექნება? პროგრამირება კომერციის გარდა მეცნიერებაცაა, მეგობარო! მეცნიერებაში ცოდნის დამალვა არგაზიარება - კარგია? კი, რაღაც დონით ფიზიკაშიცაა პატენტები, არ გეკამათები (და ვინმემ გითხრა პროგრამირებაში ყველაფერი ოფენ-სორსი უნდა იყოსო?) მაგრამ ძირითადი მომენტები რომ ყველასთვის ხელმისაწვდომი ინფორმაცია არ იყოს - ნიუტონის კანონები რომ დამალული ინფორმაცია იყოს, აინშტაინის ფარდობითობის თეორია დაპატენტებული საიდუმლო - როგორ სამყაროში იცხოვრებდი ახლა მე და შენ, ამაზე თუ გიფიქრია?



ამონარიდი:
მოდელი #2
RH ლინუქსი უკვე მარტო ფასიანია. განივარების პრეპექტივა დაბალი.
ერთადერთი შემოსავალი Support ზეა.
უაზრობას ამბობ. ჯერ ერთი ლინუქსი არაა იგივურად ტოლი რედჰატ დისტრიბუტივის. რედჰატი მხოლოდ ერთი დისტრიბუტივია და მის მენეჯმენტი - დამოუკიდებელი ორგანიზაცია.

ლინუქსი არის კერნელი, მართული ლინუს ტორვალდსის და მისი ჯგუფის მიერ. იგი არის ოფენ სორსი, იყო და ყოველთვის იქნება. რედჰატი არ წარმოადგენს ლინუქსის სახეს. რედჰატი რომ სულ მოკვდეს, როგორც კომპანია, ეგ ლინუქსის სიკვდილს მაინც არ გამოიწვევს, არანაირად.

ან რა ახალი აღმოჩენა გააკეთე? რედჰატს ყოველთვის ჰქონდა Advanced Server სერია რომელიც ფული ღირდა, და ჰქონდა ოფენ-სორს სერიაც. ახლაც იგივეა, რედჰატი უშვებს სისტემას სახელად Fedora, რომელიც არის მათი კოდის ოფენ-სორს ვერსია. ოფენ-სორს აღარ აქვთო როცა ამბობ - იტყუები, უნებურად ან შეგნებულად. რედჰატმა, უბარლოდ, მოახდინა სახელების ცვლილება კომერციული მიზნებით და სტრატეგიაც შეცვალა ცოტა - ოფენ სორს ვერსია უფრო ხშირ-ხშირად გამოდის და უფრო ბეტასტაბილურობისაა ვიდრე ადრე. ეგ არ ნიშნავს რომ ოფენ-სორს აღარ აქვს.

მაგასაც რომ თავი დაანებო, რედჰატი, კორპორაცია, იყო, არის და რჩება ოფენ-სორსის მნიშვნელოვანი კონტრიბუტორი. ლინუქსის (არა რომელიმე დისტრიბუტივის არამედ ტორვალდსის მიერ თანხმობამიცემული ბირთვის) დიდ ნაწილებზე მუშაობენ რედჰატის ინჟინრები და მათ მიერ შემუშავებული კოდი სრულად ოფენ-სორსია. ასე, მაგალითად, 2.6 კერნელში ახალი სრედინგი რედჰატელების დაწერილია და ოფენ-სორსია.

ოფენ-სორსი არავის არაფრის გაყიდვას არ უკრძალავს. ის იცავს კოდის თავისუფალი ნახვა/მოდიფიცირების უფლებას თორე შენ თუ რამის გაყიდვა გინდა და მყიდველი გყავს ვინ დაგიშლის? გაინტერესებს რატომ იყიდის ვინმე შენს პროგრამას თუ მისი კოდი ღიაა და ისედაც შეიძლება გადმოწერა? იმიტომ რომ შენ საპორტსაც თავაზობ და გარანტიებს. იმ კოდს რომ გადაწერს - თვითონ უნდა დააყენოს (ზოგჯერ დააკომპილიროს კიდეც) და რამე რომ გაუჭირდეს - თავი უნდა იმტვრიოს. შენ კი შეგიძლია გარანტირებული საპორტი შესთავაზო მცოდნე ხალხისგან. გადაგიხდის კი არა - არ შეგეხვეწება რო?

ამონარიდი:
მოდელი #3
მისაღებია მხოლოდ კომერცული ვარიანტი.
"მხოლოდ კომერციული" მანდ არ არსებობს. ერთი მეორეს გარეშე არ არსებობს. მთელი ბიზნეს-მოდელი აგებულია ამ ორის ურთიერთშერწყმაზე. მხოლოდ კომერციული ლიცენზიით მაიესქუელს ჰყავს გიგანტი კონკურენტი - ორაკლი, და ვერანაირად ვერ მოახერხებს მასთან კონკურირებას. მთელი სილამაზეც ამ მოდელის იმაშია რომ იღებს ოფენ-სორსის საუკეთესო თვისებებს (უფასო ბაგ ფიქსები კონტრიბუტორებისგან, ბაგ-რეპორტები და ა.შ.), იპყრობს პოპულარობას და ბაზარს არაკომერციულ სამყაროში, და აიძულებს კომერციულ ორგანიზაციებს გადაიხადონ ფული თუკი მათ სურთ მაიესქუელის გამოყენება საკუთარ კომერციულ პროდუქტებთან ერთად.

ამონარიდი:
მოდელი #4
გარე ფინანსირების გარეშე არსებობის საშუალება არ აქვს.
აუფ, კაი ერთი icon_smile.gif ეხლა შენ რას ფიქრობ ერთია მაგრამ რეალობა სულ სხვაა, და ამის ცოცხალი მაგალითი არის მანდ ნახსენები კომპანია - JBoss რომელიც საპორტით შემოსული შემოსავლებით ცხოვრობს და აი ნიუსი მათი საიტიდან:

JBoss, Inc. closes oversubscribed $10 million round of Venture Financing, with Matrix Partners and Accel. February 19, 2004.

ამას ქვია "ვერ იარსებებს?" icon_lol.gif


იცი რაშია შენი მსჯელობის მთავარი პრობლემა? არ გინდა რომ აღიარო მაგრამ რეალურად შენ აიგივებ ცნებას "ოფენ-სორსი" და უფასო. ეს კი ასე არაა. უფასო მართლა არაფერი არსებობს და არც ოფენ-სორსელი პროგრამისტები მუშაობენ უფასოდ. ეგ არის სისულელე და იდიოტური მითი რომლის შექმნასაც მაიკროსოფტი ცდილობს ოფენ-სორსის დისკრედიტაციისთვის.

ოფენ-სორსელი პროგრამისტები იღებენ ხელფასს და ხშირად არანაკლებს ან მეტსაც ვიდრე კომერციული, დახურულკოდიანი, ფირმების პროგრამისტები. უბრალოდ ძალიან ჭკვიანმა ხალხმა შექმნა ნოვატორული ბიზნეს-მოდელი, რომელიც საშუალებას იძლევა ღია კოდის შემთხვევაშიც კი იყოს შესაძლებელი ბიზნესი და ფულის შოვნა და რახან ღია კოდია - იწვევს უპრეცენდენტო პროგრესს ცოდნის, გამოცდილების, კოდის გაზიარების გზით და კოლაბორაციით.

ოფენ-სორსი ყოველთვის და ყველგან არა არის კარგი. არ არის პანაცეა. მაგრამ არის საკმაოდ დიდი არე შემთხვევებისა როცა იგი გაცილებით ჯობია დახურულ კოდს.


და ბოლოს, მცირე კომენტარი მაიკროსოფტის გავენმენთ და შეარდ კოდ პროგრამებზე:

1) მაიკროსოფტი იძულებული გახდა ეს გაეკეთებინა. თვითონ სულაც არ სურდა. იძულებული გახდა რადგან დაუყენეს საკითხი - ან იზამდა ამას ან წავიდოდა ჯანდაბაში.

2) ეგ საკითხს მთლიანად მაინც არ წყვეტს. შენ თუ გაგიგია ასეთი ცნება როგორიცაა Vendor-locking? როცა კოდი არის დახურული და ეკუთვნის იმ ფირმას, შენ როგორც იმ პროგრამის მომხმარებელი მიჯაჭვული ხარ იმ ფირმაზე და ხელ-ფეხი შეკრული გაქვს, რაც წარმოადგენს სერიოზულ რისკს შენი ბიზნესისთვის. აი, მაგალითად იყენებ CRM (Customer Relationship Management ) სისტემას რომელიმე ფირმისგან. იმ ფირმამ რომ უცებ ფასის გაზრდა მოინდომოს, შენ გგონია ასე მარტივად აიღებ და გადახვალ სხვა ვენდორთან? მთელი შენი ორგანიზაცია ჩაბათქაშებულია უკვე იმის CRMზე - მასზეა მიბმული შენი ბუღალტერია, ფინანსები და ათასი რამ. ვერსად ვეღარ გაექცევი.

კაი, გაგიძვირა - ჯანდაბას. ვაიდა გაკოტრდა ის ფირმა? სად მიდიხარ მერე? ხო დაგეკარგა ის შენი ნაქები კომერციული საპორტიც და ყველაფერი?

ოფენ-სორსში ვენდორ-ლოკინგი პრინციპში არ ხდება. ჯერ ეს ერთი იმიტომ რომ სორსი ყველასთვის ხელმისაწვდომია და თუ საპორტი შეგიწყდა, ადგები და შენ თვითონ გააგრძელებ განვითარებას ბოლო-ბოლო. მეორეც კიდე - ხშირ შემთხვევაში ერთ კოდზე ბევრი ვენდორი არსებობს. მაგალითად ლინუქსის ვენდორები ბევრია. რედჰატი მოკვდება - მანდრეიკთან გადახვალ, მანდრეიკი მოკვდება - სუზის მიაკითხავ.

ვენდორ-ლოკინგის არ არსებობა არის ძალიან დიდი არგუმენტი იმისთვის რის გამოც ძალიან ბევრმა ქვეყანამ უკვე გამოაცხადა სახელმწიფო სტრატეგიად ოფენ-სორსის მხარდაჭერა და ოფენ-სორსზე გადასვლა. მათ შორის: ჩინეთი, ავსტრალია, გერმანია, იაპონია, ბრაზილია და სხვ.
_________________
პროფესორ თენგიზ ოფტოპიკაშვილის კურსდამთავრებულთა გილდიის წევრი
დაბრუნება დასაწყისში
მომხმარებლის პროფილი პირადი შეტყობინების გაგზავნა მომხმარებლის ვებ-გვერდის ნახვა
აჩვენე წერილები წინა:   
ახალი თემის დაწყება   პასუხი თემაზე    ქართული საფიხვნო -> პროგრამირება ყველა დრო მოცემულია სარტყელში GMT
გადასვლა გვერდზე 1, 2, 3  შემდეგი
გვერდი ნომერი 1(სულ - 3)

 
აირჩიე:  
ამ განყოფილებაში თქვენ არ შეგიძლიათ ახალი თემის გახსნა
ამ განყოფილებაში თქვენ არ შეგიძლიათ, თემებზე პასუხის გაცემა
ამ განყოფილებაში თქვენ არ შეგიძლიათ საკუთარი წერილების რედაქტირება
ამ განყოფილებაში თქვენ არ შეგიძლიათ საკუთარი წერილების წაშლა
ამ განყოფილებაში თქვენ არ შეგიძლიათ ხმის მიცემა კენჭისყრისას


Powered by phpBB 2.0.1 © 2001, 2002 phpBB Group

RE:Action Georgia without Russian troops!